कोल्हबी । बारा जिल्लाको कोल्हबीमा निशुल्क शिक्षक सेवा आयोगको तयारी कक्षा सम्पन्न भएको छ ।
कोल्हबी नगरपालिकाद्वारा संचालित सो तयारी कक्षा ५३ विद्यार्थीको सहभागितामा लगभग सवा दुई महिना सम्म संचालन भइ सोमबार सम्पन्न भएको हो ।
उक्त सम्पन्न कार्यक्रममा कोल्हबी नगरपालिकाको उपप्रमुख लक्ष्मी चौधरीको सभापतित्वमा प्रमुख अतिथि नगर प्रमुख राम प्रसाद चौधरी रहनु भएको थियो । भने बिशिस्ट अतिथिमा प्रमुख प्रशासकीय अधिकृत पितानाथ लुइँटेल, वडा नम्बर १ का वडाध्यक्ष राजहरण चौधरी, २ का वडाध्यक्ष गोपाल अधिकारी, योजना शाखाका प्रमुख देवनारायण चौधरी लगायतको उपस्थिति रहेको थियो ।
निशुल्क शिक्षक सेवा आयोगको तयारी कक्षामा महिलाको बढी सहभागिता देख्दा नगर प्रमुख चौधरीले मन्तव्यको क्रममा खुशी महशुस भएको बताउनु भयो । सहभागी सम्पुर्ण विद्यार्थीलाई शिक्षक सेवा आयोगको तयारीका लागि किताब वितरण गर्दै सरकारी आयोगमा नाम निकाली पालिकाको नाम अगाडि बढाउन आग्रह गर्दै शुभकामना दिनु भयो ।
पालिकाको योजनामा प्रत्येक बर्ष झै निशुल्क तयारी कक्षा संचालनको क्रममा यसबर्ष शिक्षक सेवा आयोगको कक्षाको आयोजना गर्नु भएको बताउदै शिक्षामा गुणस्तर ल्याउन पालिकाले कक्षा ५ को परीक्षा पनि नगर स्तरीय बनाएको जानकारी दिनु भयो ।
कार्यक्रममा प्रमुख प्रशासकीय अधिकृत पितानाथ लुइँटेल, वडाध्यक्ष राजहरण चौधरी र प्रशिक्षक संजीव तिमिल्सिना लगायतको ब्याक्तित्वले शुभकामना मन्तव्य दिनु भएको थियो भने निशुल्क कक्षाको लागि युवराज मैनाली, संजीव तिमिल्सिना, रन्जित चौधरी, शिव शंकर चौधरी, अजय उप्रेती, यज्ञ आचार्य लगायतले प्रशिक्षण दिनु भएको समापन कार्यक्रमको सहजकर्ता तथा प्रशिक्षक एवम् त्यस पालिकाका सहकारी शाखाका प्रमुख लोकनाथ ओलीले जानकारी दिनु भयो ।
