कोल्हबी । बारा जिल्लाको कोल्हबी नगरपालिकाको दोस्रो सार्वजनिक सुनुवाइ कार्यक्रम भोलि आइतबारको दिन अमाव स्थित श्री अम्बेश्वरनाथ महादेव मन्दिरको प्राङ्गणमा हुने भएको छ ।
सो नगरपालिकाको वडा नम्बर ९, १० र ११ का जनताको गुनासो तथा बिकासका बारेमा छलफल एवम् अन्तरक्रियाका लागि भोलि बिहान ११:३० बजे सार्वजनिक सुनुवाइको आयोजना गर्न लागिएको हो ।
उक्त कार्यक्रम कोल्हवी नगरपालिकाको प्रायोजनमा आयोजक रेडियो कोल्हवी १०४.१ मेगाहर्ज रहेको नगर प्रमुख राम प्रसाद चौधरीले जानकारी दिनु भयो ।
यस अघि उक्त नगरपालिकाको वडा नम्बर ३,५,६ र ८ का जनताहरुबाट गुनासो र सुझावका लागि पहिलो चरणको सार्वजनिक सुनुवाइ प्रसौनामा अवस्थित श्री जनता माध्यमिक बिद्यालयमा आयोजना गरिएको रेडियो कोल्हबीका संचालक ज्ञानु चौधरीले बताए ।
तेश्रो चरणको सार्वजनिक सुनुवाइ कोल्हवी वडा न.४ र ७ को रहने छ भने चौथो चरणमा कोल्हवी नगरपालिका वडा न.१ र २ मा आयोजना गरिने रेडियो कोल्हवीको प्रबन्धक अनिल प्रित चौधरीले जनाए ।
कार्यक्रमको सहयोगी संस्था रेडियो पातालगङगा १०६.१ मेगाहर्ज कोल्हवी, कोल्हवी न्युज डटकम, ज्ञानु फाउन्डेसन र परिवर्तनको लागि युवा समाज कोल्हवी रहेको छ ।
