रौतहट । जिल्लाको कटहरियामा एसइइ पास गराइदिन्छु भन्दै ट्युसन पढाउने केही शिक्षकले विधार्थीसंग रकम असुली गरेको पाइएको छ ।
ट्युसनको नाममा विधार्थीहरुसंग एक वर्ष देखी सेटिंग मिलाउदै आइरहेको तथा अहिले एस.ई.ई.को बेलामा १ हजारको दरले रुपैंया असुली गरेको एक जना विधार्थीहरुले नाम नबताउने सर्तमा हामीलाई जानकारी दिएका छन् । ती बिधार्थीले शिक्षकको नाम पनि सार्वजनिक गर्न चाहेका छैनन् ।
ट्युसन पढाउने शिक्षकले सम्बन्धित परिक्षा केन्द्रको कार्यालय सहयोगीलाइ रुपैंया दिएर सेटिंग गरेको पाइएको हो । कार्यालय सहयोगीले ट्युसन पढाउने शिक्षकले बताइएको विधार्थीको अनुहार हेरी सिधै गेट प्रवेश गराइरहेको समेत प्रत्यक्षदर्शीले बताए ।
सेटिंगमा संलगन नरहेको विधार्थीहरुको चिट तथा परिक्षाको नियम भंग गर्ने उदेश्यले मोबाइल फोन तथा त्यस्ता उपकरणहरु नजाओस भनेर चेकिंगको क्रममा ती विधार्थीहरुलाई खोदयाइ खोदयाइ चेक गर्ने तथा सेटिंगमा संलग्न रहेको विधार्थीहरुलाई नाम बराबर मात्र चेक गर्ने गरेको पाइएको हो ।
चिट चोरी गराउनेमा ट्युसन पढाउने शिक्षक र कार्यालय सहयोगी प्रमुख भुमिका रहेको तथा त्यसमा केही सम्बन्धित केन्द्रको शिक्षकहरु पनि संलगन रहेको पाइएको हो । ट्युसनमा पढने सम्पुर्ण विधार्थीसंग १ हजार रुपैयाँको दरले हरेक वर्ष असुली गर्दै आइरहेको समेत ट्युसन माफियाहरुको राज बाहिरिएको हो ।
आफुलाई शिक्षक बताउने ती शिक्षकहरु विधार्थीको जिवनसंग खुलेआम खेलवाड गरिरहेको कुरा सम्बन्धित निकायलाई यस समाचारको माध्यमबाट जाहेर गरिएको हो ।
मधेशको शिक्षा यिनीहरु जस्ता शिक्षकले गर्दा बिग्रीएको हो भन्दा पनि गलत हुदैन् ।जब सम्म यस्ता शिक्षकहरुको गोप्य सेटिंग बाहिर नियन्त्रण्मा आउँदैन तब सम्म रौतहटको शिक्षामा सुधार नआउने निश्चित रहेको अभिभावक बताउँछन् ।
निष्पक्ष तरिकाले एस.इ.इ. परिक्षा जब सम्म मधेशमा हुदैन तब् सम्म तराई मधेशको शिक्षामा सुधार आउँदैन, त्यस्ता शिक्षकहरुलाई पहिचान गरी कार्यवाहिको दायरामा ल्याइ सेटिंगहरु बन्द होस भने माग गरिएको हो ।
