दलित आन्दोलनको समीक्षा र भाबी एजेन्डा बारे बारामा अन्तरक्रिया कार्यक्रम सम्पन्न

उपेन्द्र पासवान,कलैया । बाराको कलैया स्थित उधोग बाणिज्य संघको सभा हलमा ६० औ अन्तराष्ट्रिय जातिय विभेद उन्मुलन दिवस ( २१ मार्च ) को सन्दर्भमा नेपालको दलित आन्दोलनको समीक्षा र भाबी एजेन्डा बारे बारामा अन्तरक्रिया कार्यक्रम सम्पन्न भएको छ।

दलित संघर्स समिती बाराको आयोजनामा तथा दलित उत्थान समाज नेपाल बारा,महिला अधिकार मन्च बारा,NNDSWO,CCM,बारा,चमार कल्याण समाज बारा,इको कल्ब बारा, पासवान कल्याण समाज बारा, दलित कल्याण समाज बारा डोम समाज कल्याण बाराको समन्वयमा सम्पन्नभएको हो।

सन्दर्भ-सिरहाको औरही गाउँपालिकामा आगामी १७ चैत देखि आयोजना गर्न लागिएको श्री १०८ विष्णु महायज्ञ स्थलमा रहेको दीपक मरिक (डोम) को घर भत्काएर हटाइएको छ । महायज्ञ आयोजना गर्ने स्थानमा अछुत डोम राख्न नहुने भनेर यज्ञका कर्ताधर्ता मानिएका महा त्यागी बजरंगी बाबाले भनेपछि पालिका अध्यक्ष शिवजी यादवले पालिकाकै जेसिभी लगाएर मलिकको घर भत्काउन लगाएका थिए।

मलिकको घर मात्र भत्काइएन आपित अछुतले छोएको माटो भनेर दीपक मलिकको घरले चर्चेको स्थानको दुई फिट माटो खनेर समेत फालिएको छ र जल छर्केर शुद्ध बनाईएको छ जब कि उक्त मरिक डोमको घर ५ वर्ष जनता अवासबाट प्रदेश सरकारले नै बनाई दिएको थियो।

अहिले सो परिवारको उठिबास भएको पुर्ब मन्त्री कलावती पासवानले बताए । उनले भने,यस्ता जातिय विभेद तथा छुवाछुतको घटनाले दलित समुदायलाई यस समाजमा मानव सरह बाच्न दिएको छैन। हुनतः यो घटना पहिलो होईन् श्रृखलाबद्ध दलित समुदाय माथि दमन शोषण, हत्या, हिंसा, बलत्कार तथा यौनजन्य घटना दिन प्रतिदिन बढदै गईरहेको जिकिर गरे ।

राज्य मौन हुनु र उल्टै प्रशय दिनु र सामाजिक न्यायको लागि दलित समुदायलाई आनदोलन गर्नु पर्ने बाध्यता सृजना भई रहेको छ। नेपाल जातिय विभेद तथा छुवाछुत मुक्त राष्ट्र घोषणा भएको २ दशक हुन लाग्दा पनि यसको कार्यन्वन्य हुन नसकको प्रति हाम्राे खेद तथा धोर भत्सर्ना गर्दछु। पुर्व मन्त्री पासवानले भने ।

सिराहाको घटनालाई सत्य तथ्य छानविन गरी दोसीमाथि कडा भन्दा कडा कर्यवाहीको मांग गर्दछौं साथै विस्थापित परिवारको स्थाई र व्यवस्थित बसोवासको व्यवस्था गर्न नेपाल सरकार संग माग समेत गरेका थिए ।

उक्त कार्यक्रममा दलित संघर्स समिती बारा, दलित उत्थान समाज नेपाल बारा,महिला अधिकार मन्च बारा,NNDSWO,CCM,बारा,चमार कल्याण समाज बारा,इको कल्ब बारा, पासवान कल्याण समाज बारा, दलित कल्याण समाज बारा डोम समाज कल्याण बाराको समन्वयमा समपन भएको थियो।

यो खबर पढेर तपाईलाई कस्तो महसुस भयो ?