कलैया । यातायात व्यवस्था कार्यालय वीरगन्जका प्रमुख धर्मेन्द्रलाल कर्ण कार्यालय प्रमुख बनेर आएदेखी भ्रष्टाचारले चरम सिमा नाघेको छ। प्रमुख कर्णले दर्जनौको संख्यामा ‘दलाल’ खटाएर ट्राफिक प्रहरिको प्रत्यक्ष संलग्नतामा अवैध व्यक्तिहरुलाई चालक अनुमतिपत्र लाईसेन्स विक्री गरिरहेको पाइएको छ।
कर्णले आफ्नो बिश्ववासपात्र तथा दलालहरु मार्फत रकम बुझि लिखीत र ट्रायल परीक्षामा फेल भएकाहरुलाई नयाँ लाईसेन्सहरु दिदै आएका छन भने सो लाईसेन्स वितरणमा जिल्ला ट्राफिक प्रहरी कार्यालयको प्रत्यक्ष संलगतना रहेको छ।
उनले रकम उठाउन र सेट्टिङ्ग गर्नकोलागी भरतिय नम्बर प्रयोग गरि ह्वाट्सएप मार्फत क्लाईण्टहरुसंग डिल गर्ने गरेको सहस्य समेत बाहिरिएको छ। पहिला दलाल र उनले नियुक्त गरेका करारका कर्मचारीले क्लाईन्ट ल्याउने र पछि सोही भारतिय नम्बरबाट लेनदेनको कुरा गर्ने गरेको बुझिएको छ।
यस्ता क्लाईन्टहरुमा विशेषगरि काठमाडौं, चितवन, मकवानपुर, रुपन्देही, नवलपरासी र अन्य पहाडी जिल्लाका व्यक्ती बढी मात्रामा रहेका छन। पैसा दिएपछी सजिलै लाईसेन्स पाउने भएपछी ती व्यक्तिहरु बिरगंज आउने गरेका छन।
कार्यालय प्रमुख कर्णको मुख्य आर्थिक पार्टनर भने कार्यालयका अर्का महाभ्रष्ट कर्मचारी नवाज हुसेन रहेका छन। यातायात कार्यालय कलैयाको प्रमुख छंदा चरम भ्रष्टाचार गरेपछी पर्सा सरुवा भइ ‘ट्रायल प्रमुख’ बनेका हुसेनले नै सवारी लाईसेन्स बिक्री बापत उठेको रकमको बाडफाड गर्ने गरेको श्रोतले जनाएको छ।
मोटरसाइकल लाईसेन्सको लागि १० देखि १५ हजार, चार चक्का सवारीहरुको २० हजार देखी २५ हजारसम्म र हेबी गाडी बस र ट्रकहरुको लाईसेन्सको लागि ५० हजार ७५ हजार रुपैया लिने गरिएको र संकलित रकमको आवण्डा हुसेनले नै गर्नेगरेको श्रोतको दावी छ। हुसेनले संकलित रकमबाट मन्त्री, प्रशासन, पत्रकार र अन्य व्यक्तिहरुलाई हिस्सा पुर्याउने गरेका छन।
प्रमुख कर्णका अर्का सहयोगी हुन सोही कार्यालयका ट्रायक्टर फांट प्रमुख बद्री दाहाल र रामसुन्दर महतो। दाहाल र महतोद्व्यले कर्णले चिन्हित गरेका व्यक्तिहरुको लिखित र ट्रायल परिक्षामा गडबड गर्ने गरेको पाइएको छ। उनिहरुले अवैध रुपले लिखित र ट्रायल परिक्षाको ईडिटिङ्ग गर्ने गरेको श्रोतले जनाएको छ।
