कलैया । जिल्ला प्रहरी कार्यालय रौतहटको मुद्दा फाँटमा बिगत १९ महिना देखि कार्यरत रहेका प्रहरी निरिक्षक उमाशंकर गुप्ताको असुली साम्राज्य सँचालन भईरहेको बिषयमा बिभिन्न सँचार माध्यमले समाचार नै प्रकाशन गर्ने गरेको पाइन्छ।
प्रहरी निरिक्षक गुप्ता मिति २०८० साउन ३० गते जिल्ला प्रहरी कार्यालय, रौतहटको मानवस्रोत व्यवस्थापन शाखामा सरुवा भएर आएका उनी प्रहरीका लागि आकर्षक मानिने मुद्दा शाखाको जिम्मेवारीमा छन् । तर, मुद्दा शाखासहित महिला सेल, मिटरब्याज शाखा, उजुरी तथा छानविन शाखा पनि उनकै नियन्त्रणमा रहेको श्रोतको भनाइ छ ।
जागिर अवधिमा अधिकांश समय मधेसकै आकर्षक प्रहरी कार्यालयमा बिताएका उनलाई रौतहट आएपछि तत्कालीन प्रहरी उपरीक्षक महेन्द्र श्रेष्ठले मुद्दा शाखाको जिम्मेवारी दिएका थिए ।
बिगत लामो समयदेखि जिल्ला प्रहरी कार्यालय रौतहटको
मुद्दा फाँटको जिम्मेवारी सम्हाल्दै आएका प्रहरी निरिक्षक गुप्ता पिडित र पिडकबाट समेत रकम असुल्ने कार्यलाई तिब्रता दिने बारे समाचार प्रकाशन समेत भईसकेको छ। साथै जिल्लामा हुने हुण्डी , तस्करी , अवैध धन्दा गर्ने विचौलिया, तस्कर, व्यापारीलगायतसँग राम्रो सम्बन्ध राखि असुलीको साम्राज्य नै खडा गरेका छन्।
उक्त असुलीबाट प्रहरी सँगठनको उच्च अधिकारीहरु समेत भाग जाने गरेकोले मिति २०८१ भदौ १७ गरे प्रहरी निरिक्षकहरुको सरुवामा प्रहरी निरिक्षक गुप्ताको नाम समाबेश हुन नसकेको प्रहरी कर्मचारीले नै बताएका छन्।
यस बिषयमा तत्कालिन प्रहरी सँगठन प्रमुख प्रहरी महानिरीक्षक बसन्त बहादुर कुँवरसँग हाम्रो सम्वाददाताले कुरा गर्दा फाल्गुन १८ गते नै प्रहरी निरिक्षक गुप्तालाई कार्वाही गर्ने बताएका थिए। तर प्रहरी महानिरीक्षक कुँवर आफै चैत्र ४ गते ३० बर्षे सेवा अवधि पुरा गरी अवकाश भएका छन्। उनको स्थानमा हाल प्रहरी महानिरीक्षकको रुपमा दिपक थापा नियुक्त भई कार्यरत रहेका छन्।
सामान्यत प्रहरी निरिक्षकहरुको एक बर्षमा सरुवा हुने गरेको छ। प्रहरी निरिक्षक उमाशंकर गुप्ताको जिल्ला प्रहरी कार्यालय रौतहटमा सरुवा भएपछि २०८१ भदौ १७ नै प्रहरी निरिक्षकहरु सरुवा भईसकेको छ।
