कलैया । बिरगंज पथलैया सडकखण्डलाई औधोगीक कोरिडोरको रुपमा मान्यता प्राप्त रहेको छ।
औधोगीक कोरिडोरमा अधिक्तम उधोगहरु सिमरा अन्तर्गत नै स्थापना रहेको छ। सिमरा स्थित उधोगहरुमा कच्चा पदार्थ लगायत तयारी मालबस्तु दुवानी वा निकासीमा ट्राफिक प्रहरीले चेकजाँचको नाममा आर्थिक कलेक्सन गर्ने गरेको श्रोतको दाबी रहेको छ।
श्रोतको अनुसार ट्राफिक प्रहरी सिमराको ईन्चार्ज एवम् प्रहरी सहायक निरीक्षक बब्लु ठाकुरले अनावश्यक रुपमा आर्थिक कलेक्सन गर्ने चेकजाँच गर्ने गरेका छन् । ठाकुर नेतृत्वको चेकजाँचमा प्रायः गरी ठाकुर नै नेतृत्व गर्ने गरेको पाईन्छ।
प्रहरी सहायक निरीक्षक ठाकुर बिगतमा जितपुर, कलैया लगायत सिभिलमा बारा जिल्लाको बिभिन्न ठाउँमा बसेको कारण बारा जिल्लाको बिषयमा धेरै कुरा जानकारी रहेको छ। उक्त जानकारीको अधारमा ठाकुर चेकजाँच गर्ने बहानामा सर्बसाधारण देखि मालवाहक सवारीसाधनबाट आर्थिक कलेक्सन गर्दै आएका छन्।
ठाकुरले पथलैया सडकखण्डबाट मालवाहक गाडीहरू लगायत सवारी गाडीहरुबाट समेत बिभिन्न बहानामा मासिक नजराना लिने गरेका छन्। ठाकुरले ट्राफिक प्रहरी कार्यालय सिमरामा आउन जिल्ला ट्राफिक प्रहरी कार्यालय निजगढलाई समेत नजराना बुझाउनु पर्ने भएकाले आर्थिक कलेक्सन गर्नु पर्ने श्रोतको दाबी रहेको छ।
यस बिषयमा ट्राफिक प्रहरी सहायक निरीक्षक बब्लु ठाकुरसँग कुरा गर्दा आफुले माथिल्लो निकायको निर्देशन तथा आफ्नो राजश्व संकलन गर्ने टार्गेट पुरा गर्न चेकजाँच गर्ने दाबी गरेका छन्। साथै आफु कुनै पनि ब्यक्तिसँग बाटोमा लेनदेन नगर्ने दाबी गर्दै कार्यालयमा बोलाई मात्र कुरा गर्ने स्विकार गरेका छन्।
