कलैया । जिल्ला प्रहरी कार्यालय बाराले लगभग आधि करोडको भन्सार छली सामानसहित एउटा ट्रक राजस्व अनुसन्धान कार्यालय पथलैयामा बुझाएको छ ।
जीतपुरसिमरा उपमहानगरपालिका – २ सूर्य नेपाल नजिकैबाट ४८ लाख ६ हजार ९५२ रुपैयाँ बराबरको भन्सार छली सामानसहित एउटा ट्रक नियन्त्रणमा राजस्व अनुसन्धान कार्यालय पथलैयामा बुझाएको हो ।
इलाका प्रहरी कार्यालय सिमराबाट प्रहरी सहायक निरीक्षक प्रदीप पाण्डेको कमान्डमा खटिएको टोलीले वीरगञ्जबाट फागुन १५ गते राती काठमाडौँतर्फ जाँदै गरेको ना।६ ख।४३५१ नम्बरको ट्रकलाई रोकेर चेकजाँच गरेको थियो ।
चेकजाँचका क्रममा ट्रकमा लोड भएको एरियल टाइड र उईस्वर एरियल सामानको भन्सार प्रज्ञापन पत्र नभएको र भन्सार छलीको आशङ्का लागेपछि ट्रक नियन्त्रणमा लिइएको प्रहरीले जनाएको छ ।
