निरज रानाभाट: काठमाडौं ।
मार्पाक प्रिमियर लिग ( एमपिएल ) को १५ औँ संस्करण फागुन २९ गते, राजधानी काठमाडौंमा हुने भएको छ ।
उक्त प्रतियोगिता मार्पाक सामुदायिक क्लब ( सिसिएम ) को आयोजनामा हुने छ, भने थला गाउँ सेवा समाज धादिङको सह – आयोजनामा हुने भएको छ ।
उक्त फुटसल प्रतियोगिताको विजेता टिमले नगद २२ हजार २ सय २२ रुपैयाँसहित ट्रफी, मेडल र प्रमाण – पत्र गर्ने छ, भने उप – विजेता टिमले नगद ११ हजार १ सय ११ रुपैयाँसहित मेडल र प्रमाण – पत्र गर्ने छ । साथै, प्रतियोगिताको सेमिफाईनलिष्ट २ वटा टिमले बराबर नगद ३ हजार ३ सय ३३ रुपैयाँ प्राप्त गर्ने छन् , भने उत्कृष्ट फरवार्ड र गोलकिपरले पनि नगद २ हजार २ सय २२ रुपैयाँसहित मेडल र प्रमाण – पत्र प्राप्त गर्ने छन् ।
यस्तै, प्रतियोगिताको अनुशासित टिमलाई पनि नगद ५ हजार ५ सय ५५ रुपैयाँ प्रदान गरिने आयोजकले जनाएको छ ।
काठमाडौंको कलंकीस्थित बिजि फुटसलमा हुने प्रतियोगितामा सरस पेय पदार्थको रेड बुलले मुख्य प्रायोजन गरेको छ, भने नेपाली मन उद्योग मनमैजुले प्रायोजन गरेको छ ।
साथै, प्रतियोगितामा जय माता देवी ज्वेलर्स नेपालटार, क्याम्ब्रिज / छाङ्मी कोरियन भाषा केन्द्र बालाजु र चौतारा ज्वेलर्स बाइपासले सह – प्रायोजन गरेको छ । त्यसैगरी, उक्त प्रतियोगिताको टिभी पार्टनरमा दिब्यदर्शन टेलिभिजन, रेडियो पार्टनरमा निलकण्ठ एफ.एम. र अनलाइन मिडिया पार्टनरहरुमा जन अपडेट डटकम, भिजन न्युज नेपाल र धादिङ संचार रहेका छन् ।
उक्त प्रतियोगितामा सहभागी हुन धादिङको नेत्रावती डबजोङ गाउँपालिकाका टिमहरुले फागुन २७ गतेसम्म २ हजार २ सय २२ रुपैयाँ र ५ सय रुपैयाँ डिपोजिटसहित २ हजार ७ सय २२ रुपैयाँ तिरेर टिम दर्ता गरिसक्नु पर्ने छ, भने साथै फागुन २८ गते टाइसिट सार्वजनिक हुने आयोजकले जनाएको छ ।
