मोरङ जिल्लाको विराटनगरस्थित महेन्द्र मोरङ क्याम्पसमा नेपाली कांग्रेस निकट विद्यार्थी सङ्गठन नेपाल विद्यार्थी सङ्घको दुई पक्षबिच झडप हुँदा दुई जना विद्यार्थी घाइते भएका छन् ।
नेविसंघ मोरङका सभापति सरोज पोखरेल र चुले भाइ भनिने आयुष दाहाल सहितको टोली क्याम्पस इकाई गठन गर्न भन्दै बिहीबार बिहानै क्याम्पस पुगेका थिए । आफूहरूको स्वीकृति बिना क्याम्पसमा इकाई कमिटी गठन गर्न लागेको भन्दै स्ववियु सभापति समेत रहेका जसवन्त पौडेलको समूहले बन्चरो, तरबार र लाठीले प्रहार गरेको हो ।
स्ववियु सभापति रहेका पौडेल देउवा समूहका हुन् । पोखरेल भने कोइराला पक्षका हुन् । शिक्षा क्षेत्र अब अराजकता र हिंसाबाट बच्न आवश्यक छ, जुन महेन्द्र मोरङ क्याम्पसको झडपले प्रष्ट पारेको छ। राजनीतिका नाममा यो प्रकारको हिंसा अब कलेज र स्कुलमा पनि फैलिन थालेको छ, जसले समाज र राष्ट्रको भविष्यलाई संकटमा पार्दछ।
कलेज र विश्वविद्यालयहरूलाई राजनीतिक अराजकताको केन्द्र बन्न दिनु भनेको आगामी पुस्ताको शैक्षिक उन्नति र सामाजिक समृद्धिमा ठूलो बाधा पुर्याउनु हो।
