काठमाडौं । त्रिभुवन अन्तर्राष्ट्रिय विमानस्थलबाट तिन जना आरोपीले मलद्वारमा लुकाएर ३ किलो ७४५ ग्राम सुन ल्याउँदै गर्दा प्रहरीले पक्राउ गरेको छ । सुनसहित ४ जना उज्वेकिस्तानका नागरिकलाई पक्राउ गरेको हो ।
गएराति दुबईबाट फ्लाइ दुवईको उडानमार्फत आएका ३ महिला र एक जना पुरुषलाई पक्राउ गरिएको विमानस्थल सुरक्षा कार्यालयका एसएसपी सोमेन्द्रसिंह राठौरले बताए ।
पक्राउ पर्नेमा अख्माद जानोभना दिलफुजा मारिफअलिभ, इजराइलोभना साओदत फेजिभा, गुलाम्दजानोभन उमिद अख्मेदोभ र सरदोर तुर्सुनोभ छन् । घटनाबारे अनुसन्धान भइरहेको एसएसपी राठौरले जानकारी दिए ।
