सिम्रौनगढ मेयर एण्ड उपमेयर कपको क्रिकेट खेलमा शारदा बोर्डिङ्ग बिजयी
चेरवन्त खबर डेस्क
बारा जिल्लाको सिम्रौनगढ नगरपालिका स्थित रानिवास प्रमियर सिजन १ मा भएको मेयर एण्ड उपमेयर कपको क्रिकेट खेलमा शारदा ईङ्गलिश बोर्डिङ्ग स्कुल बिजयी भएको छ । रानीवास स्थित चौरमा नयकाटोला क्रिकेट क्लबलाई सो बोर्डिङ्ग स्कुल जित हासिल पार्न सफल भएको हो ।
उक्त नगरपालिकाका नगर प्रमुख किशोरी प्रसाद कलवारको प्रमुख आतिथ्य रहेको थियो भने बिशिष्ट अतिथिको रुपमा युवा नेता शेख मोतिम, नगरपालिकाको प्रमूख प्रशासकीय अधिकृत दिनेश कुमार न्यौपानेलाई निम्त्याइएका थिए । खेलमा प्रथम बिजयीलाई प्रमुख अतिथि कलवारको हातबाट नगद पचास हजार रुपैया शिल्ड मेडल तथा प्रमाणपत्र प्रदान गरिएको थियो ।
त्यस्तै सो प्रतियोगिताको उपबिजेतालाई बिशिष्ट अतिथि मोतिमको हातबाट नगद पच्चिस हजार रुपैया शिल्ड मेडल तथा प्रमाणपत्र हस्तान्तरण गरिएको थियो । मंसिर २५ गते देखि भईरहेको सो खेलको मैन अफ दि मैच सिजनको उपाधि अरनिको यादवले पाएको छ ।
सो अन्तिम खेलमा कार्यपालिका सदस्यहरु, वडा नम्बर ६ का वडा अध्यक्ष नन्दकिशोर जयसवाल, ७ का वडा अध्यक्ष बिबेक मेहता, ८ को वडा अध्यक्ष रामदिनेश प्रसाद यादव बिभिन्न वडाका जन प्रतिनिधिहरु लगायत वडा नम्बर ४ का पुर्व वडा अध्यक्ष राजेश यादव, सुबास कुशवाहा, रामचन्द्र कुशवाहा, अरबिन्द गुप्ता, मदन सहनी, सुरेन्द्र यादव, नेकपा एमालेका नेता परमानन्द मुखिया, जसपा नेता रामबाबु यादव, प्रेम प्रसाद यादब, साफी महमदका साथ साथै बिभिन्न पार्टी नेता तथा प्रतिनिधिहरु, युवा, पत्रकार, सुरक्षाकर्मी, जेष्ठ नागरिकहरुको उपस्थिति रहेका थिए ।