महागढीमाई स्थित एक बिद्यालयमा निशुल्क आँखा शिविर तथा रक्तदान कार्यक्रम सम्पन्न
0 
0 
धिरेन्द्र तिवारी, कलैया
बारा जिल्लाको महागढिमाई नगरपालिकाको वडा नम्बर दुई स्थित रहेको श्री नेपाल राष्ट्रिय अधारभुत बिद्यालयमा शनिबार निशुल्क आँखा शिविर तथा रक्तदान कार्यक्रम सम्पन्न भएको छ । सोही पालिकाको आर्थिक सहयोग र गढिमाई युवा सोसाइटीको आयोजनामा उक्त कार्यक्रम सम्पन्न भएको हो ।
त्यस कार्यक्रममा ३१२ जानाको निशुल्क अँखा चेकजाँच गरि निशुल्क औषधि बितरण गरिएको छ भने ३५ जाना पुरुष र २ जाना महिला लगायत ३७ जानाले रक्तदान गरेका थिए ।
शिविरमा चेकजाँच गराउन आएका बिरामीहरुलाई किरण आँखा आस्पताल बिरगंजका चिकित्सक समझना चौधरिको नेतृत्वमा आएका टोलीहरुले चेकजाँच गर्नुको साथै रेडक्रस सोसाइटी बिरगंजको प्राबिधिक बिशेष सहयोगमा रक्तदान भएको थियो ।
उक्त कार्यक्रम गढिमाई सोसाइटीका सभापति सोनु कुमार गुफाको सभापतित्वमा भएको थियो । भने कार्यक्रमका बिशिस्ट अथितीमा जसपाका केन्द्रिय सदस्य रामबाबु प्रसाद यादव त्यस्तै अथितीहरुमा बडा नम्बर २ का वडा अध्यक्ष बिश्वानाथ प्रसाद कुशवाहा, वडा नम्बर ६ का वडा अध्यक्ष गेनालाल यादव, वडा नम्बर ७ का वडा अध्यक्ष शिव बिरेन्द्र प्रताप सिंह, १० का वडा अध्यक्ष चन्दन गुप्ता, कार्यपालिका सदस्य महेश जैसवाल लगायतका व्याक्तित्वहरुको उपस्थिती रहेका थिए । कार्यक्रमका संचालन सोसाइटीका सचीव ज्ञान प्रकाश रौनियारले गरेको साही सोसाइटीका सदस्य अनिल चौरसियाले जानकारी दिए ।
