कोल्हबीमा लाजमर्दो घटना, प्रहरी कार्यालय अगाडी नै रहेको एक पत्रकारको घरबाट चोरी
0 
0 
चेरवन्त खबर डेस्क
बारा जिल्लाको कोल्हबीमा लाजमर्दो घटाना भएको छ । सो स्थानको कोल्हबी बजारमा अवस्थित इलाका प्रहरी कार्यालय अगाडि रहेको पत्रकार जियालाल चौधरीको घरबाट चोरी भएको हो।
पत्रकार चौधरी घरमा न रहेको मौका छोपी गत ५ गते आइतबारको दिन चोरी भएको घटना सार्वजनिक भएको छ । छोरीको सुनको गहना र घर मै रहेको पसलबाट नगद १७ हजार रुपैया र समान सहित एक लाख पचास हजार बराबरको समान चोरहरुले लगेको पत्रकार चौधरीले बताउनु भयो ।
छिमेकी राज कुमार चौधरीले आफु सिरानीमुनि राखेर सुतेको मोबाईल चोरले चोरी गर्ने प्रयास गर्दा ब्युझेको र हल्ला गर्दा छिमेकीको घरको छत भएर चोरहरु हाम फाल्दै भागेको बताए । आफू बस्ने टोलमा रहेको घर तथा पसलमा चोरी गर्ने मनसायले नै चोरहरु आएको हुन सक्ने उनले बताए ।
इलाका प्रहरी कार्यालय कोल्हबीबाट सय मिटरको दुरी पनि नरहेको स्थानमा चोरी हुँदा त्यहाँको जनताहरु असुरक्षित महसुस गरेका छन । र यसमा प्रहरीहरुको ठूलो लापरबाही रहेको स्थानियहरुले बताउँछन् । त्यस कार्यालयमा प्रमुखको पद सम्हाल्न आएका सन्तोष कुमार दाहालले शुरुमा सक्रियता देखाए पनि यता आएर काम एवं जनताको सुरक्षा प्रति त्यति चासो नदेखाएको उनिहरुको भनाई रहेको छ ।
