महागढीमाई स्थित इनर्वामा मोटरको तार जोड्ने क्रममा करेन्ट लागेर एक जनको मृत्यु
चेरवन्त खबर डेस्क
बारा जिल्लाको महागढीमाई नगरपालिका वडा नम्बर २ को इनर्वामा करेन्ट लागेर एक जनाको मृत्यु भएको छ। खेतमा पानि हाल्ने क्रममा बिद्युत प्रवाह भई शनिबार बिहान मृत्यु भएको हो ।
ईनर्वा बस्ने चनरदेव भगतको धान खेतमा मृत्यु हुनेमा सोही नगरपालिकाको वडा नम्बर ८ बस्ने दुर्गा प्रसाद यादवको छोरा ३५ वर्षीय सुरेन्द्र प्रसाद यादवको मृत्यु भएको प्रहरीले बताए । खेतमा पानी हाल्न मोटरमा तार जोड्ने क्रममा सर्ट भई यादवको मृत्यु भएको बाराका प्रहरी प्रवक्ता डिएसपी राजेश थापाले जानकारी दिए ।
घटना भएको खबर पाउने बितिकै प्रहरी चौकी बरियारपुरका प्रहरी बरिष्ठ नायब निरिक्षक र जिल्ला प्रहरी कार्यालयको प्रहरी निरिक्षकको कमाण्डमा गएको प्रहरी टोलीले मुचुल्का उठाएको तथा घटनाको बारेमा थप अनुसन्धान भइरहेको प्रवक्ता थापाले बताए । ।