तलब नपाएकाले पचरौता नगरका शिक्षकहरुद्वारा बाराका जिल्ला प्रमुखलाई ज्ञापन पत्र
0 
0 
चेरवन्त खबर डेस्क
बाराको पचरौता नगरपालिका अन्तर्गतका बिद्यालयमा कार्यरत शिक्षक शिक्षिकाहरुले तलब नपाएको भन्दै जिल्ला प्रशासन कार्यालयमा ज्ञापन पत्र बुझाएका छन् ।
उक्त पालिकाका शिक्षकहरुले गत बैशाख महिना देखि हाल सम्म तलब पाएका छैनन् । नेपाल सरकारको मातहतमा काम गर्ने कर्मचारीहरुले महिना सकिने बितिकै तलब पाउने तर शिक्षकलाई त्रैमासिक चौमासिक रुपमा तलब ख्वाउने भए पनि पालिकाले समयमा तलब नपठाएको गुनासो गरेका छन् ।
त्यस पालिकाको कार्यालयमा सम्पर्क गर्दा पहिलाको निमित्त प्रमुख प्रशासकीय अधिकृत फरार रहेको र अर्को अधिकृत आउनमा ठुलो राजनैतिक चलखेल भैरहेको शिक्षकहरुलाई बताएका छन् । आफुहरु चार महिना देखि उधारो गरी खान र लगाउनमा बाध्य रहे ता पनि अब व्यापारीहरुले उधारो दिन रोक लगाएको शिक्षकहरुको कथन रहेका छन् ।
देशको संघिय मामिला तथा समान्य प्रशासन मन्त्रालय काठमाण्डौं, शिक्षा बिज्ञान तथा प्रविधि मन्त्रालय काठमाण्डौं, शिक्षा बिकास तथा समन्वय इकाई बारा, पचरौता नगरपालिकाको कार्यालय बेनौली र शिक्षक महासंघ काठमाण्डौंलाई बोधार्थ गरीएको सो ज्ञापन पत्र मार्फत शिक्षकहरुले भदौ १ गते देखि बिद्यालय संचालन हुँदा तलब नपाए बिद्यालय थप गरी चरण बद्ध आन्दोलनमा जान बाध्य हुने जानकारी समेत गराएका छन् ।
