आदर्श कोतवाल गाउँपालिका प्रमुख साहद्वारा नौ कोठे विद्यालय भवनको शिलान्यास
नूर आलम बादशाह, आदर्श कोतवाल
बारा जिल्लाको आदर्श कोतवाल गाउँपालिका अध्यक्ष जवाहर प्रसाद साहद्वारा नौ कोठे बिद्यालय भवनको शिलान्यास भएको छ । सो पालिकाको वडा नम्बर १ स्थित श्री राम चरित्र माध्यमिक बिद्यालयको लागि थप भवन बुधबार शिलान्यास गरिएको हो ।
नेपाल सरकारको नमुना बिद्यालय सुधार अन्तर्गत शिक्षा मन्त्रालयले उपलब्ध गराएको तिन करोड ३७ लाख रुपैयाको लागतमा तिन वटा तल्लामा नौ वटा कोठाको निर्माण गर्न थालिएको बिद्यालयका प्रधानाध्यापक दिनेश साहले बताउनु भयो । सो बजेटलाई सदुपयोग गर्दै गुरुयोजनाका साथ निर्माण गरिने वहाँले जानकारी दिनु भयो ।
उक्त शिलन्यास कार्यक्रममा गाउँपालिका उप प्रमुख मीरा देवी यादव, वडा अध्यक्ष, वडा तथा कार्यपालिका सदस्यहरु, शिक्षक, अभिभावक, बिधार्थी, पत्रकार, बुद्धिजीवी, सुरक्षाकर्मी लगायतकोे उपस्थिती रहेको थियो ।