एम.बि.बि.एस.पढ्नेलाई दश लाख रुपैया सहयोग गरिने पचरौताका नगरप्रमुख सिंहको प्रतिबद्धता
निखिल पास्वान, पचरौता
बारा जिल्लाको पचरौता नगरपालिकाका नगर प्रमुख जलन्धर सिंहले एम.बि.बि.एस. पढ्न चाहने नगरका बिद्यार्थीलाई पालिकाबाट दश लाख रुपैया सहयोग गर्ने प्रतिबद्धता गरेका छन् ।
उक्त पालिकाको वडा नम्बर १ मा अवस्थित श्री नेपाल राष्ट्रिय माध्यमिक बिद्यालय पिपरपातीले आयोजना गरेको नवनिर्वाचित जनप्रतिनिधिलाई स्वागत तथा सम्मान कार्यक्रममा सो प्रतिबद्धता गरेका हुन् । आफुले अध्ययन गरेका सो बिद्यालयमा नगर प्रमुख भएर आउँदा भावुक समेत भएको बताए ।
बिद्यालयका प्रधानाध्यापक रामानन्द प्रसाद साहको अध्यक्षता गरिएको कार्यक्रमको प्रमुख अतिथीमा नगर प्रमुख सिंह र बिशिष्ट अतिथीको रुपमा उपप्रमुख नसिमा खातुन रहेका थिए । कार्यक्रममा पालिकाका नवनिर्वाचित जनप्रतिनिधिहरुलाई फुल, माला, अबिर र दोसल्ला ओढाएर बिद्यालयका शिक्षक, कर्मचारी अभिभावक र बिद्यार्थीहरुले स्वागत तथा सम्मान गरेका थिए ।
सो कार्यक्रममा वडा अध्यक्षहरु बिनय कुमार सिंह, लक्ष्मी यादव, गगनदेव यादव, धेनुक राउत कुर्मी, नेवाजी मियाँ लगायतकाले आफ्ना मन्तव्य ब्यक्त गरेका थिए । कार्यक्रममा उपस्थित सम्पुर्णलाई बिद्यालयका सहायक प्रधानाध्यापक सत्यन्द्र यादवले स्वागत गरेका थिए भने संचालन तथा उद्घोषण कार्य शिक्षक श्याम सुन्दर कुसवाहाले गरेको थियो ।