कलैयामा मोटरसाईकल दुर्घटना हुँदा एक जनाको मृत्यु, चार जना घाईते
चेरवन्त खबर डेस्क
बारा जिल्लाको कलैया उपमहानगरपालिका वडा नम्बर २७ स्थित बिजुलपुरबाट कलैया तर्फ आउने क्रममा मोटरसाईकल एक आपसमा ठोक्किएर एक जनाको मृत्यु भएको छ भने चार जना घाईते भएका छन् ।
बिजुलपुरबाट कलैयातर्फ आउदै गरेको र विपरित दिशाबाट जाँदै गरेको मोटरसाईकल एकआपसमा ठोक्किदा करैयामाई गाँउपालिका १ बस्ने २२ वर्षिय तबरेज आलमको मृत्यु भएको हो । दुर्घटनामा घाईते भएका उनको उपचारका लागि अस्पताल लैजाने क्रममा मृत्यु भएको बाराका प्रहरी प्रवक्ता डिएसपी राजेश थापाले जानकारी दिए ।
त्यस्तै सो दुर्घटनामा करैयामाई १ कै २५ वर्षिय नसरुदिन अंसारी त्यस्तै भारत मोतिहारी पतही बस्ने ३५ वर्षिय सुरेश साह र उनकी श्रीमती ३२ वर्षिया सविता देवीको साथ साथै २२ वर्षिय रामप्रवेश साह घाईते भएका छन् । उनिहरुको हाल बिरगंज स्थित वयोधा अस्पतालमा उपचार भईरहेका छन् । घाईते भएका मध्ये अंसारी र सविता देवीको अवस्था गम्भिर रहेको प्रहरीले बताएको छ ।