मेलम्चीको पानी आजदेखि वाग्मतीमा बगाइने र ११ गतेदेखि काठमाडौं उपत्यकामा वितरण शुरु
चेरवन्त खबर डेस्क
मेलम्ची खोलाको पानी बैशाख ०६ गते , मंगलबार ( आज ) देखि वाग्मती नदीमा बगाइने भएको छ ।
मेलम्ची खानेपानी आयोजनाको सुरुङ परीक्षणका लागि गएको चैत २९ गते सुरुङमा पठाइएको पानी मंगलबार ( आज ) देखि वाग्मती नदीमा बगाइने मेलम्ची खानेपानी विकास समितिले जनाएको छ ।
समितिले सूचना निकालेर आजदेखि मेलम्चीको पानी वाग्मतीमा पठाइने भन्दै वाग्मती किनारमा बस्नेहरूलाई सावधान रहन अनुरोध गरेको छ । समितिले निकालेको सूचनामा सुन्दरीजलदेखि तल वाग्मती नदीमा पानीको बहाव बढ्दै जाने भएकाले तटीय क्षेत्रका बासिन्दाहरूलाई विशेष सावधान रहन भनिएको छ । खानेपानी मन्त्री उमाकान्त चौधरीले मेलम्चीको पानी बैशाख ११ गतेदेखि काठमाडौं उपत्यकामा वितरण शुरु हुने जानकारी दिएका छन ।