प्रगतीनगरबाट सालको काठ बेवारिसे अवश्थामा बरामद
बारा जिल्लाको कोल्हबी नगरपालिका वडा नम्बर ४ प्रगतिनगर माझी टोलबाट खोलाको छेउमा स्याउला र घासले छोपेर राखेको ५.५ फिट गोलाइ र ४२ इन्च लम्बाइ र ५.५ फिट गोलाइ र ३८ इन्च लम्बाइ बेवारिसे अवश्थामा २ थान कलिलो सालको काठ ईलाका प्रहरी कार्यालय कोल्हबीका प्रहरी निरीक्षक बालिष्टर सिंहको कमाण्डमा गएको गस्ती टोलिले बरामद गरेको छ ।
सो बरामद गरेको काठलाई ईलाका प्रहरी कार्यालयले कोल्हबी सब डिभिजन बन कार्यालय पुरानो काटाका फोरेस्टर रामबली यादव सहितको टोलिलाई जिम्मा लगाइ तामागढी साझेदारी बन ब्यबस्थापनको ट्राक्टरमा राखेर पठाइएको जानकारी जिल्ला प्रहरी कार्यालय बाराका प्रबक्ता प्रहरी नायब उपरीक्षक गौतम मिश्रले जानकारी दिनु भयो ।