रौतहटमा ट्याक्टर दुर्घटनामा परी एक जनाको मृत्यु
चेरवन्त खबर डेस्क
रौतहट जिल्लाको दुर्गा भगवती गाँउपालिका वडा नम्बर २ कर्बोलमा बिहीबार बेलुकी भएको सवारी दुर्घटनामा परी एक जनाको मृत्यु भएको छ ।
पिप्राबाट सुकदेवचोकतर्फ जाँदै गरेको ना २ त ८६०५ नम्बरको ट्रयाक्टरले बिपरित दिशाबाट आउँदै गरेको भारतीय नम्बरको मोटरसाईकललाई ठक्कर दिदा मोटरसाईकल चालक गम्भीर घाइते भएका थिए । दुर्घटनामा गम्भीर घाइते भएका मोटरसाईकल चालकको उपचारको क्रममा जिल्ला अस्पताल गौरमा मृत्यु भएको हो ।
गम्भीर घाइते पश्चात् उनलाईजिल्ला अस्पताल गौरमा लगिएको थियो । त्यहा उपचारको क्रममा मृत्यु भएको हो । मृतकको सनाखत हुन बाँकी रहेको छ । दुर्घटना पश्चात ट्रयाक्टर चालक फरार रहेकाले खोजी भइरहेको ईलाका प्रहरी कार्यालय गंगापिपरा रौतहटले जानकारी दिएको छ ।