बारामा आगोमा जलेर दम्पती घाईते
चेरवन्त खबर डेस्क
बारा जिल्लाको कलैया उपमहानगरपालिका वडा नम्बर ८ स्थित देवीगंजमा हिजो शुक्रवारको दिन बिहान आगोमा जलेर एक दम्पती घाईते भएका छन ।
उक्तआगोमा जलेर घाईते भएका ६५ वर्षिय ईनद दास र निजकै पत्नी ६० वर्षिय निलम देवी दासलाई ग्यास चुल्होमा चिया पकाउने क्रममा आगो सल्किएको जिल्ला प्रहरी कार्यालय बाराका प्रवक्ता डिएसपी राजेश थापाले जाकनारी दिए ।
आगोबाट जलीरहेकी श्रीमतीलाई जोगाउन आगो निभाउने क्रममा उनका श्रीमान अवकास प्राप्त शिक्षक ईनल पनि घाईते भएका छन । घाईते दुबैलाई स्थानीय वासिन्दाको सहयोगमा उद्धार गरी उपचारको लागी कलैया स्थित राज्य लक्ष्मी अस्पतालमा पुर्याईएको थियो ।
दुबै हात जलेका ईनलको राज्य लक्ष्मी अस्पतालमै उपचार भईरहेको र छाती भन्दा तल खुट्टा सम्मको भाग जलेर गम्भिर घाईते भएकी निलमलाई थप उपचारको लागी काठमाण्डौं स्थित बर्न अस्पताल किर्तिपुरमा पठाईएको प्रहरीले जनाएको छ । गढी निउजको सहयोगमा