कलैया १९ स्थित ने.रा. आधरभुत विद्यायालयमा शिक्षक नियुक्तिको बिषयलाई लिएर तालाबन्दी
धिरेन्द्र तिवारी
बारा जिल्लाको कलैया उपमहानगरपालिका वडा नम्बर १९ मा रहेको श्री नेपाल राष्ट्रिय आधरभुत विद्यायालयमा शिक्षक नियुक्तिको बिषयलाई लिएर तालाबन्दी गरिएको छ ।
स्थानीयहरुका अनुसार बिज्ञापननै नगरी बाल बिकास कोटामा बिधालयका प्रधानाध्यापक भरत राउत कुर्मीले स्थानीय रुसा कुमारीलाई नियुक्ति गरेको विरुद्धमा मंगलबार तालाबन्दी गरेको हो ।
सो स्थानका स्थानीयहरुले कृष्ण मिश्रको नेतृत्वमा उक्त तालाबन्दी गरेको छ । स्थानीयहरुका अनुसार नियुक्ति भएको शिक्षकलाई खारेज गरि खुल्ला रूपमा बिज्ञापन गरि नियम पुर्वक नियुक्ति गर्न माग राख्दै तालबन्दी गरेको बताएका छन् ।
नियुक्ति खारेज भएपछी मात्र तालाबन्दी खुलाउने र तालाबन्दी अवधीमा बालबालिकाहरुको पठनपाठनमा अवरुद्ध पुगेपछि सोको जिम्मेवार प्र.अ. कुर्मी नै हुने मिश्रले बताएका छन ।