निजगढमा मोटरसाईकल र साईकल बिच दुर्घटना हुँदा दुई जना घाईते
चेरवन्त खबर डेस्क
बारा जिल्लाको निजगढमा मोटरसाईकलले साईकललाई ठक्कर दिंदा दुई जना घाईते भएका छन् । निजगढ नगरपालिकाको वडा नम्बर ७ स्थित पुर्व पस्चिम राजमार्ग अन्तर्गतको लच्का पुलमा सो दुर्घटना भएको हो ।
सो स्थानमा पश्चिमबाट पुर्व तर्फ आउँदै गरेको प्रदेश नम्बर २ (०३) ०१७ प. ९७३७ नम्बरको मोटरसाईकलले साईकलमा सवार यात्रीलाई ठक्कर दिंदा सोही पालिकाको वडा नम्बर ९ बस्ने मोटरसाईकल चालक बर्ष ३९ को रेशम बहादुर जर्गा मगरको दायाँ खुट्टा भाँचिएको छ । भने सोही वडाको नदिकट्टा बस्ने ७८ बर्षिय साईकल यात्री बमल बहादुर निजममको हातमा सामान्य चोट लागेको प्रहरीले बताए ।
घाईते दुबै जनालाई उपचारको लागि निजगढ स्थित सामुदायिक अस्पतालमा लैजाँदा साईकल यात्री जिम्माको सोही स्थानमा उपचार भईरहेको र मोटरसाईकल चालक मगरको थप उपचारको लागि काठमाण्डौं रिफर गरिएको ईलाका प्रहरी कार्यालय निजगढले जानकारी दिए । दुर्घटना भएको मोटरसाईकल प्रहरी कार्यालयको नियन्त्रणमा राखिएको पनि प्रहरीले बताए ।