बाराको कलैयामा आज पनि राष्ट्रिय युवा संघको प्रदर्शन
चेरवन्त खबर डेस्क
बारा जिल्लाको सदरमुकाम कलैयामा नेकपा एमालेको भातृ संगठन राष्ट्रिय युवा संघ नेपालले आज पनि विभिन्न माग राख्दै मसाल जुलुस सहित प्रदर्शन गरेका छन् ।
राष्ट्रिय युवा संघ नेपाल बाराले बिगत तीन दिन देखि सदरमुकाम कलैयामा प्रदर्शन गर्दै आएका छन् । भौतिक योजना मन्त्री रेणु यादवले दिएको अभिव्यक्ति हिंसात्मक द्वन्द बढाउने रहेका कारण राजीनामा माग गर्दै सो प्रदर्शन राष्ट्रिय युवा संघ बाराका अध्यक्ष पुरुषोत्तम साहको नेतृत्वमा गरिएको छ ।
उक्त प्रदर्शनमा अराजक मन्त्री यादवलाई बर्खास्त गर’, स्थानीय तह चुनाव घोषणा गर’ लगायतका नारा लगाउँदै आज पनि सदरमुकाम कलैयामा प्रदर्शन गरेका हुन् । आज बेलुका निकालिएको मसाल जुलुसमा प्रहरी संग घम्साघम्सी समेत भएको राष्ट्रिय युवा संघ बाराका अध्यक्ष पुरुषोत्तम साहले जानकारी गराए ।
केहि दिन अघि बलिदानी दिवसको अवसरमा रौतहटमा मन्त्री यादवले गौर नरसंहार दोह्याउने र जनमत पार्टीका अध्यक्ष डा।सिके राउतको हत्या गर्ने धम्की दिएकी थिइन । राष्ट्रिय युवा संघ बाराले यीनै विषयमा प्रदर्शन गर्दै सदरमुकाम कलैया को भरत चौकमा प्रधानमन्त्री देउवा को पुतला जलाएका थिए ।