रौतहटमा एमालेका नव निर्वाचित पदाधिकारीद्वारा पदभार ग्रहण
0 
0 
दिपेन्द्र रजक (दिपु)
रौतहटमा नेकपा एमालेका नवनिर्वाचित जिल्ला कमिटी का पदाधिकारीहरुले पदभार ग्रहण गरेका छन् । रौहतटको सदरमुकाम गौरमा स्थित एमाले पार्टी कार्यालयमा आइतबार एक कार्यक्रम बीच पदाधिकारीहरुले पदभार ग्रहण गरेका हुन् ।
गत माघ २ गते कटहरिया सम्पन्न एमाले पार्टीको नवौँ जिल्ला अधिवेशनबाट सर्वसहमत रुपमा चुनिएका पदाधिकारीहरुले पदभार ग्रहण गरेको नवनिर्वाचित जिल्ला अध्यक्ष त्रिभुवन साहले जानकारी दिनुभयो ।
पदभार ग्रहण पश्चात् अध्यक्ष साहले अब आफुहरु नेकपा एमालेलाई रौतहट जिल्लामा एक नम्बरको पार्टी बनाउन एकजुट भएर लाग्ने प्रतिवद्धता व्यक्त गर्नुभयो । उहाँले गाउँ, नगर प्रदेश अनि देशको विकास नेकपा एमालेले मात्र गर्न सक्ने जनाउँदै नेकपा एमालेलाई अब हुने तिनै तहको निर्वाचनमा जिल्लामा पहिलो पार्टी बनाउने लक्ष्य सहित आफुहरुले काम गर्ने बताउनुभयो । कार्यक्रममा नेकपा एमालेका नेताहरु अब्दुल कलाम आजाद, उपेन्द्र साह, जयचन्द पटेल, राम किशोर साह, मौलापुर नगरपालिकाकी नगर प्रमुख रिना साह, कटहरिया नगरपालिकाका नगर प्रमुख सियाराम कुशवाह, पवन पटेल लगायतको उपस्थिति रहेको थियो ।
नवौँ जिल्ला अधिवेशनले साहको अध्यक्षतामा १ सय ३५ सदस्य जिल्ला कमिटिको सर्वसहमत चयन गरेको थियो । कमिटिको उपाध्यक्षमा दिपक यादव, सचिवमा बाल बिक्रम कार्की, उपसचिवमा पलट चौधरी र रुपेश पटेल रहेका छन् ।
