बिरगंजको नारायणी अस्पतालमा एक कोरोना संक्रमित पुरुषको मृत्यु
0 
0 
चेरवन्त खबर डेस्क
पर्सा जिल्लाको बिरगंज स्थित नारायणी अस्पतालमा उपचार गराई रहेका कोरोना संक्रमणको कारण एक जनाको मृत्यु भएको छ । कोरोना भाइरस महामारीको तेस्रो लहर शुरु भएयता बिरगंजमा यो पहिलो मृत्यु हो ।
कोरोना संक्रमणबाट मृत्यु भएका ब्याक्ति बारा जिल्लाको महागढीमाई नगरपालिका वडा नम्बर ६ का ५० वर्षिय पुरुष रहेको छ । उनको बिहीबार राति पौने १२ बजेको समयमा मृत्यु भएको नारायणी अस्पतालका कोभिड संयोजक डाक्टर उदय नारायण सिँहले जानकारी दिनु भयो । उनलाई राति साढे ८ बजे निजी अस्पतालले रिफर गरी नारायणी अस्पताल पठाएको थियो। डाक्टर सिंहका अनुसार उनले कोरोनाको कुनै पनि खोप लगाएका थिएनन् र उनलाई निमोनिया देखिएको थियो।
बिहीबार राति नारायणी अस्पतालमा कारोना परिक्षण गर्दा थप ५९ जनामा संक्रमण पुष्टि भएको छ । संक्रमण भएका मध्ये पर्साका ४३ जना, बाराका ७ जना, रौतहट, महोतरी, काठमाडौं र सिन्धुपाल्चोकका एक एक जना रहेको नारायणी अस्पतालले जनाएको छ ।
